Chantaxista de emocións, intelixente, curioso e moi agarimoso. Así é Fado. Ladrón de corazóns e torpe cazador incapaz de matar unha mosca; un incansábel loitador que cada día tenta controlar con máis ou menos éxito o seu instinto máis animal.
Pero o seu cerebro, ó igual co noso, precisa de cando en vez dun reseteo. O mesmo que calquera computadora. Nos seus descansos a miúdo soña e; en ocasións, tamén é sobresaltado por algún pesadelo.
